ບໍລິສັດ ເຄພີ ບໍລິການ ແລະ ພັດທະນາສີມືແຮງງານຈໍາກັດ ເປັນບໍລິສັດຈັດຫາງານ ທີ່ໄດ້ຮັບອະນຸຍາດຈາກກະຊວງແຮງງານ ແລະ ສະຫວັດດີການສັງຄົມ ໃນການດຳເນີນທຸລະກິດ ບໍລິການຈັດຫາງານຢູ່ພາຍໃນ ເລີ່ມແຕ່ປີ 2012 ແລະ ໄດ້ຮັບອະນຸຍາດໃນການຈັດສົ່ງແຮງງານລາວໄປເຮັດວຽກຢູ່ຕ່າງປະເທດນັບຕັ້ງແຕ່ປີ 2015 ເປັນຕົ້ນມາ

        ບໍລິສັດຂອງພວກເຮົາເປັນຜູ້ນໍາດ້ານການໃຫ້ບໍລິການສັນຫາບຸກຄະລາກອນທີ່ມີຄຸນນະພາບ ແລະ ການບໍລິການພະນັກງານສັນຍາຈ້າງ (sub contract ) ໂດຍການສະໜອງແຮງງານທີ່ມີວິຊາຊີບ ແລະ ແຮງງານທີ່ບໍ່ມີວິຊາຊີບ ຫຼາຍກວ່າ 6,000 ຄົນ (2012-2015) ໃຫ້ແກ່ໂຮງງານແລະບໍລິສັດຕ່າງໆ ຢູ່ນະຄອນຫຼວງວຽງຈັນ ແລະ ສະຫວັນນະເຂດ

        ບໍລິສັດຂອງພວກເຮົາຍັງໄດ້ຮ່ວມມືກັບບໍລິສັດ ເຄພີ ທີ່ປຶກສາ ແລະ ຈັດຫາງານຈຳກັດຜູ້ດຽວ ເຊິ່ງຕັ້ງຢູ່ເຂດເສດຖະກິດພິເສດ ສະຫວັນ ເຊໂນ ສຳລັບບໍລິການໃຫ້ແກ່ລູກຄ້າທີ່ຢູ່ໃນເຂດເສດຖະກິດພິເສດ ເພື່ອຄວາມສະດວກ ແລະ ການບໍລິການທີ່ມີຄຸນນະພາບ ທັນຕາມຄວາມຕ້ອງການຂອງລູກຄ້າ

        ບໍລິສັດເຮົາພ້ອມຈະພັດທະນາການສັນຫາ, ການໃຫ້ບໍລິການ ແລະ ຝຶກອົບຮົມພັດທະນາສີມືແຮງງານໃຫ້ແກ່ລູກຄ້າ ເພື່ອຊ່ວຍສະໜັບສະໜູນການຜະລິດສິນຄ້າ ການພັດທະນາການຜະລິດ ລວມເຖິງການເພີ່ມຜົນການຜະລິດຂອງລູກຄ້າຢ່າງເຕັມທີ່.